Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 121-1} oḷ cuṭar kal cēra ulaku ūrum takaiyatu
• {KALI 121-2} teḷ kaṭal aḻuvattu tirai nīkkā eḻutarūum
• {KALI 121-3} taṇ katir matiyattu aṇi nilā niṟaittara
• {KALI 121-4} puḷ iṉam irai mānti pukal cēra oli āṉṟu
• {KALI 121-5} vaḷ itaḻ kūmpiya maṇi maruḷ irum kaḻi
• {KALI 121-6} paḷḷi pukkatu pōlum parappu nīr taṇ cērppa
• {KALI 121-7} tāṅka arum kāmattai taṇantu nī puṟam māṟa
• {KALI 121-8} tūṅku nīr imiḻ tirai tuṇai ākīi olikkum ē
• {KALI 121-9} uṟaiyoṭu vaikiya pōtu pōl oyyeṉa
• {KALI 121-10} niṟai āṉātu iḻitarūum nīr nīntu kaṇṇāṭku
• {KALI 121-11} vārāy nī puṟam māṟa varuntiya mēṉiyāṭku
• {KALI 121-12} ār iruḷ tuṇai āki acai vaḷi alaikkum ē
• {KALI 121-13} kamaḻ taṇ tātu utirntu uka ūḻ uṟṟa kōṭal vī
• {KALI 121-14} itaḻ cōrum kulai pōla iṟai nīvu vaḷaiyāṭku
• {KALI 121-15} iṉ tuṇai nī nīppa iraviṉ uḷ tuṇai āki
• {KALI 121-16} taṉ tuṇai pirintu ayāam taṉi kuruku ucāvum ē
• {KALI 121-17} oḷ cuṭar ñāyiṟṟu viḷakkattāṉ oḷi cāmpum
• {KALI 121-18} naṇpakal matiyam pōl nalam cāynta aṇiyāṭku
• {KALI 121-19} eṉa āṅku
• {KALI 121-20} eṟi tirai tantiṭa iḻinta mīṉ iṉ tuṟai
• {KALI 121-21} maṟi tirai varuntāmal koṇṭāṅku neṟi tāḻntu
• {KALI 121-22} cāyiṉaḷ varuntiyāḷ iṭumpai
• {KALI 121-23} pāy pari kaṭum tiṇ tēr kaḷaiyiṉ ō iṭaṉ ē